Nas próximas semanas estaremos compartindo momentos moi especiais cos máis pequenos (e tamén cos maiores 😉), a través de historias que abren portas a conversas importantes.

Por unha banda, achegarémonos ao acollemento familiar da man dos Bolechas, para coñecer esta realidade tan necesaria e chea de vida.

E por outra, falaremos de corresponsabilidade: de como todas as persoas da casa podemos colaborar, coidar e formar equipo no día a día. Porque educar en igualdade tamén comeza nos pequenos xestos.

Serán espazos para escoitar, participar e sentir… porque os contos non só se len, tamén se viven

• Biblioteca Culleredo – 17  de Abril / 17:30h
• Fundación Abanca – 23 de Abril / 18:30h
• Biblioteca Os Tilos, Teo – 24 de Abril / 18:00h
• Biblioteca Ánxel Casal, Santiago de Compostela – 28 de Abril / 17:30h

ACOUGO —Asociación Galega de Familias de Acollida— convídate a participar nunha charla informativa na Casa Común de Orza, centrada no sistema de protección e a importancia de tratar de garantir os dereitos da infancia, vendo o acollemento familiar como ferramenta clave para garantir o benestar de nenos, nenas e adolescentes que non poden vivir coas súas familias de orixe.

ACOUGO nace do compromiso dun grupo de familias que decidiron organizarse para defender os dereitos da infancia no sistema de protección. A súa labor céntrase en visibilizar a situación dos nenos, nenas e adolescentes, formar e acompañar ás familias acolledoras, e crear espazos de encontro e reflexión que fortalezcan o tecido social arredor do acollemento. Esta charla é unha oportunidade para coñecer de preto esta realidade, resolver dúbidas, compartir experiencias e, sobre todo, sumarte a unha causa que transforma vidas.

“Plan simultáneo de dobre propósito”

Acolle pase o que pase!

Acougo, da man de ASEAF, vai por en marcha en Galicia un proxecto piloto innovador financiado pola Unión Europea, que xurde para ofrecer unha estabilidade nunha contorna familiar a todos os nenos e nenas de 0 a 6 anos que viven en centros residenciais.

Queremos evitar a institucionalización a edades temperás e o impacto negativo dos tránsitos e as rúpturas de vínculos afectivos que danan sensiblemente o desenvolvemento emocional dos nenos e nenas na primeira etapa da vida, poñéndoos no foco, coidando aos distintos axentes que os rodean e procurando un soporte familiar estable.

Desde o principio da intervención traballarase de forma simultánea en dous procesos, a recuperación da familia de orixe para a reunificación e o acompañamento e preparación do entorno familiar de acollida para a permanencia da convivencia, se a reunificación non fora posible.

É decir; as persoas que se inscriben neste programa acollen pase o que pase finalmente, e se o retorno non é posible, a estabilidade se asegurará mantendo ao neno ou nena na mesma familia acolledora , mediante a fórmula xurídica que a administración determine, que poderá ser acollemento permanente ou adopción aberta.

A idea central é que os nenos e nenas non teñan que cambiar de familia e que sexa a fórmula xurídica a que se adapte convenientemente.

Este material ofrece unha guía práctica e reflexiva sobre como fomentar a corresponsabilidade en nenos, nenas e adolescentes (NNA) dende o fogar, entendida como unha ferramenta clave para construír familias e sociedades máis xustas e igualitarias. A través de rutinas, tarefas adaptadas á idade, comunicación aberta e celebración dos logros, promóvese unha aprendizaxe significativa baseada na cooperación, o respecto mutuo e o exemplo adulto. Ademais, faise fincapé na importancia de traballar a responsabilidade emocional e o impacto das accións individuais no benestar colectivo, especialmente no que respecta á distribución equitativa das cargas familiares.

Respiro infantil:

• Lugar: RTL Carballiño.
• Idade: Dos 5 aos 12 anos.
• Chegada o 29 de marzo entre as 18:00h e as 19:00h
• Saída o 1 de abril entre as 16:00h as 17:00h

Fin de semana xuvenil:

• Lugar: Complexo Xuvenil «As Mariñas» Albergue Gandario
• Idade: Máis de 12 anos.
• Chegada o 24 de abril entre as 19:00h e as 20:00h
• Saída o 26 de abril entre as 16:00 e as 17:00

Fin de semana familiar:

• Lugar: RTL Carballiño.
• Chegada o 29 de maio entre as 19:00h as e 20:00h
• Saída o 31 de maio entre as 16:00 e as 17:00h
• Unha vez completadas as prazas poñeremonos en contacto para formalizar a inscripción.