SET 32025 |
Lugar: Rúa Padrón nº 2 |
ACOUGO —Asociación Galega de Familias de Acollida— convídate a participar nunha charla informativa nas súas oficinas, centrada no programa FAMILIAS CORRESPONSABLES como ferramenta clave para garantir o benestar de nenos, nenas e adolescentes que non poden vivir coas súas familias de orixe. Durante esta xornada abordarase:
- A realidade do acollemento familiar en Galicia, cos seus retos e oportunidades.
- A importancia de construír unha rede de apoio sólida, que inclúa profesionais, voluntariado, comunidade e outras familias, para acompañar o proceso de acollemento.
ACOUGO nace do compromiso dun grupo de familias que decidiron organizarse para defender os dereitos da infancia no sistema de protección. O seu labor céntrase en visibilizar a situación dos menores, formar e acompañar ás familias acolledoras, e crear espazos de encontro e reflexión que fortalezcan o tecido social arredor do acollemento. Esta charla é unha oportunidade para coñecer de preto esta realidade, resolver dúbidas, compartir experiencias e, sobre todo, sumarte a unha causa que transforma vidas.
Datas:
03/09/2025 – Rúa Padrón nº2 (Santiago de Compostela)
04/09/2025 – Rúa Sánchez Freire nº 47 Bajo (Santiago de Compostela)
