Xuntanzas en familia: Culleredo e Santiago

As crianzas en situación de desamparo atopan nas familias acolledoras un espazo seguro no que medrar física, psicolóxica, afectiva e socialmente.

Unha referencia de coidado e agarimosa que lles axudará a compensar e reparar os danos sufridos, unha base estable e sólida sobre a que construir todos os futuros posibles.

👉 Este encontro está aberto a:

• Familias acolledoras
• Familias que están a pensar en acoller
• E persoas que simplemente queren informarse ou achegarse por primeira vez ao acollemento familiar

Antes do encontro, pedirémosvos que vexades este vídeo 👇

👉 https://acougo.gal/que-facemos/difusion/que-e-o-acollemento-familiar/estabilidade/ 

Un encontro para escoitar, preguntar, compartir experiencias e entender que non hai unha única maneira de acoller ben. Se sentes curiosidade, tes dúbidas ou simplemente queres saber máis, esta xuntanza tamén é para ti.