Artículo de Europa Press.
O presidente de Canarias, Ángel Víctor Torres, anunciou que nove comunidades autónomas –Cataluña, Navarra, Cantabria, Valencia, Castela e León, Estremadura, Galicia, Asturias e Aragón– xa responderon á carta que enviou a todos os gobernos rexionais para pedir solidariedade na acollida de menores migrantes non acompañados, autonomías que se farán cargo duns 200 mozos.
Así o puxo este luns de manifesto durante unha comparecencia tras participar de maneira telemática na Comisión de Liberdades Civís, Xustiza e Asuntos de Interior (LIBE) do Parlamento Europeo, na sesión titulada ‘Exchange of views on the current situation in Western Mediterranean and the Canary Islands’.
“Pedimos a distintas autonomías que colaboren na atención, acollida e firma de acordos bilaterais para os menores non acompañados. A boa noticia é que xa non son seis, senón nove as CCAA as que responderon favorablemente”, comentou.
Torres sinalou que se está falando de preto de 200 menores, que chegarán a Galiza próximamente.
